नेकपा एकीकृत समाजवादी नेता तथा अध्यक्ष माधव नेपालका बिश्वासपात्र एमालेमा प्रवेश गरेका छन् । केही समयअघि समाजवादीतिर लागेका कर्मचारी नेता भोला पोखरेल एमालेमै फर्केका हुन् । पोखरेल एमाले अध्यक्ष केपी शर्मा ओलीसँग भेट गरी एमालेमै फर्किएका हु्न्। अध्यक्ष ओलीले पोखरेललाई पार्टीमा स्वागत गरे ।
पोखरेले माधव नेपाल नेतृत्वको दलमा आवद्ध कर्मचारीका प्रमुख ब्यक्तिका साथै कर्मचारीको आधिकारिक ट्रेड युनियन महासंघको पनि नेतृत्वकर्ता हुन्
।
पोखरेल बिगत लामो समयदेखि माधव नेपालका बिश्वासपात्रका रुपमा थिए । पछिल्लो समय माधवले कम्युनिष्ट आन्दो’लनबि’रुद्ध अभियान चलाउन थालेपछि क्रमशः एमालेमै फर्कने निर्णयमा पोखरेल पुगेका हुन् ।
पोखरेलले माधव नेपालले योजनावद्ध रुपमा नेपाली कम्युनिष्ट आ’न्दोलनबिरु’द्ध अभियान चलाउने योजना थाह भइसकेकोले अव कोही पनि इमान्दार कम्युनिष्ट कार्यकर्ता त्यता नरहने बताए ।
आजदेखि दल दर्ता
निर्वाचन आयोगले प्रतिनिधिसभा तथा प्रदेश सभा सदस्यका लागि हुने आगामी निर्वाचन प्रयोजनका लागि आज देखि राजनीतिक दल दर्ता सुरु गर्ने भएको छ ।
सरकारले मङ्सिर ४ गते निर्वाचनको मिति घोषणा गरेपछि आयोगले निर्वाचन तयारी तथा व्यवस्थापनअन्तर्गत दल दर्ता आह्वान गरेको हो। निर्वाचन सहभागी हुने राजनैतिक दलले आजदेखि ३१ गतेभित्र आयोगमा दल दर्ता गर्न सक्नेछन् ।
दल दर्ताको लागि निवेदन दिँदा राजनीतिक दलको विवरण, दलको केन्द्रीय कार्यकारिणी समिति, प्रदेश र जिल्ला समितिका पदाधिकारी तथा सदस्यको संख्या, दलले वार्षिक लेखापरीक्षण प्रतिवेदन पेश गरेको मिति र दलको केन्द्रीय स्तर र प्रदेश स्तरको कार्यकारिणी समितिको पछिल्लो निर्वाचन भएको मिति समेत उल्लेख गर्नुपर्ने आयोगले जनाएको छ ।
यसरी दल दर्ताको लागि निवेदन दिँदा प्रतिनिधिसभा सदस्यको छुट्टै र प्रदेशसभा सदस्यको हकमा प्रदेशगत रुपमा ७ वटा प्रदेशको लागि छुट्टाछुट्टै निवेदन पेश गर्नुपर्ने आयोगले जनाएको छ ।
राजनीतिक दल सम्बन्धी ऐन, २०७३ को दफा ४९ बमोजिम २ वा सो भन्दा बढी दलले एकल चुनाव चिन्ह लिई निर्वाचनमा भाग लिने प्रयोजनको लागि दल दर्ताको निवेदन दिँदा राजनीतिक दल सम्बन्धी नियमावली, २०७४ को अनुसूची९१३ बमोजिमको ढाँचामा निवेदन दिनु पर्ने व्यवस्था गरिएको पनि आयोगका सहायक प्रवक्ता सूर्यप्रसाद अर्यालले जारी गरेको विज्ञप्तिमा उल्लेख छ ।