काठमाडौं । चर्चित अभिनेत्री निता ढुंगनाले आफ्नो नयाँ चलचित्रमा अभिनय गर्ने भारतीय कलाकारसँगको तस्बिर सार्वजनिक गरेकी छन् ।
चलचित्र ह्रस्वदीर्घमा अभिनय गर्ने विश्वप्रसिद्ध हास्य कलाकार ब्रम्हानन्दन, अलि र चन्द्र पन्तलगायतका कलाकारसँगको तस्बिर सार्वजनिक गरेकी छन् ।
उनी फिल्मसको ब्यानरमा हिजोबाट सुरू भएको चलचित्र विश्वकै ठूलो फिल्म एकडेमी रामाजी दादासाहेब फिल्म स्टुडियोमा हुँदैछ । केहि समय फिल्म क्षेत्रबाट टाडा रहेकी निता फेरी पनि पर्दामा फर्किएकी छिन् ।
विभिन्न म्युजिक भिडियोमा लोकप्रियता कमाउँदै गएपछि उनी फिल्ममा समेत अवसर सिर्जना गर्न सफल भएकी हुुन । पछिल्लो समय निकै नै कम मात्र चलचित्रमा देखिएकी नीता यस समय भने आफैले चलचित्र निर्माण गर्दै छिन् ।
‘छक्का पञ्जा(४’, विदेशमा पनि प्रदर्शन हुँदै
फागु पूर्णिमाको पूर्व सन्ध्या पारेर फागुन १९ गतेदेखि प्रदर्शनमा आउने नयाँ नेपाली फिल्म ‘छक्का पञ्जा ४’ को नयाँ पोस्टर सार्वजनिक गरिएको छ ।
फिल्मका प्रस्तुतकर्ता तथा अभिनेता दीपकराज गिरी, दीपाश्री निरौला र निर्मल शर्माले सामाजिक सञ्जालमार्फत फिल्मको नयाँ पोस्टर सार्वजनिक गरेका हुन् । पोस्टरमा दीपकराज गिरी, केदारप्रसाद घिमिरे तथा बुद्धि तामाङलाई चित्रण गरिएको छ ।
पोस्टर शेयर गर्दै अभिनेता गिरीले ‘छक्का पञ्जा(४’ नेपालसहित अमेरिका, जापान, यूरोप, कोरिया, अष्ट्रेलिया, यूके, गल्फ लगायत विश्वका धेरै मुलुकहरुमा प्रदर्शन हुने बताएका छन् ।
यसअघि सार्वजनिक भएको फिल्मको पहिलो गीत ‘दर्शन सलाम’ ले यूट्यबमा झण्डै साढे २३ लाख भ्यूज पाइसकेको छ । भिडियो यतिबेला ट्रेन्डिङको तेस्रो स्थानमा छ । उक्त गीतमा डेविड शंकर तथा सहिमा श्रेष्ठको स्वर, दीपक शर्माको संगीत तथा राजेन्द्र थापाका शब्दहरु छन् ।
