को’रोनाका कारण छायांकनमा गएका थुप्रै चलचित्रको काम रोकिएको छ । घोषणा भएका दर्जनौँ चलचित्र छायांकनमा जान सकेका छैनन् । यहीबीचमा चलचित्र ‘अनन्त’को भने छायांकन कार्य सम्पन्न भएको छ । अभिनेता कर्मा र अभिनेत्री लक्ष्मी बर्देवाले शीर्ष भूमिकामा रहेर अभिनय गरेको यो चलचित्रको २० दिनमा छायांकन सकिएको हो ।
चलचित्रका निर्माता नवविजय श्रेष्ठ हुन् । जेसन लोप्चनले निर्देशन गरेको यो चलचित्र प्रेमकथाको विषयवस्तुमा आधारित रहेर निर्माण गरिएको छ । चलचित्रमा निर्देशक जेसनकै लेखन तथा पटकथा रहेको छ । रन्जन ढुंगाना र शीतल खड्का सह–निर्माता रहेको यो चलचित्र अवस्था सहज भएको खण्डमा यसै वर्ष प्रदर्शन गर्ने निर्माण टिमले जनाएको छ ।
लुम्बिनीमा ३ मन्त्रीले लिए शपथ : लुम्बिनी प्रदेश सरकारमा थपिएका तीन मन्त्रीहरुको पद तथा गोपनीयताको शपथ ग्रहण भएको छ । प्रदेश प्रमुख धर्मनाथ यादवले बुधबार पद तथा गोपनीयताको शपथग्रहण गराएका हुन् ।
शपथ लिनेमा आन्तरिक मामिला तथा कानुनमन्त्री चेतनारायण आचार्य, स्वास्थ्य तथा जनसंख्यामन्त्री भोजप्रसाद श्रेष्ठ र शिक्षा तथा सामाजिक विकासमन्त्री धर्मबहादुरलाल श्रीवास्तव छन् । मुख्यमन्त्री शंकर पोखरेलको सिफारिसमा उनीहरुलाई मंगलबार साँझ मन्त्री पदमा नियुक्त गरिएको थियो । ४ दिनको अवधिमा ४ पटक मन्त्रीहरुको शपथ भएको छ । योसहित लुम्बिनी प्रदेशमा मन्त्रिमण्डल १० सदस्यीय बनेको छ ।