काठमाडौं । युवा गजलकार सपना न्यौपाने द्वारा लिखित ‘जीवनको रहस्य ’ गजल संग्रह सार्वजनिक गरिएको छ । युवा स्रष्टा न्यौपाने द्वारा लिखित गजल संग्रह एक कार्यक्रमका बिच बुधबार काठमाडौंमा सार्वजनिक गरिएको हो ।
कार्यक्रममा बोल्ने बक्ताहरुले न्यौपानेको गजलकारिताबारे विशेष चर्चा गरेका थिए । गजलकार न्यौपानेको जीवनको रहस्य गजल संग्रह पहिलो कृति हो ।
कार्यक्रममा गजलकार बियोगी बुढाथोकी , रामप्रसाद दाहाल , ज्ञाननिष्ठ ज्ञवाली ,रोशन थापा, सन्ध्या पहाडी , रञ्जना निरौला , राजेन्द्र केसी र गिता मैनालीले संयुक्त रुपमा गजल सङ्ग्रह “जीवनको रहस्य ” अन्तर्राष्ट्रिय नेपाली साहित्य समाजको कार्यालय पुतलीसडकमा सार्वजनिक गरेका थिए । जीवनको रहस्य गजल संग्रहको प्रकाशक शुभद्रा न्यौपाने हुन् ।
वियोगी बुढाथोकीको प्रमुख आतिथ्यमा सम्पन्न कार्यक्रममा वरिष्ठ साहित्यकार सन्ध्या पहाडीको अध्यक्षता र ज्ञाननिस्ठ ज्ञवालीले पुस्तकको समिक्षा गरेका थिए ।
बिमोचन कृतिमा टिप्पणी गर्दै कार्यक्रमका बिशिस्ट अतिथि राम प्रसाद दाहालले जीवनको रहस्य ले वास्तवमै यथार्थ जीवनको चित्रण गरेको र वर्तमान सामाजिक विकृतिमा तिखो प्रहार गरेको बताए।
त्यस्तै अन्तर्राष्ट्रिय नेपाली साहित्य समाजकी अध्यक्ष सन्ध्या पहाडीले यो गजल संग्रह प्रवासमा रहने नेपालीको मात्र आवाज नबोलेर सम्पूर्ण नेपालीको वास्तविकताको आवाज भएको बताईन ।
ग्लोबल प्रिन्ट कनेक्सनले बजारमा ल्याएको जीवनको रहस्य पुस्तकको मुल्य मूल्य २०० रहेको छ। गजल संग्रहमा ९० वटा गजल समेटिएको छ।
जीवनको रहस्य गजलका यस्ता छन् शब्द
जाँदै छु आमा म बोकि सपनाको भारी
आफ्नो गाउँ घर छोडी त्यो समुन्द्र पारी ।
भो भो मलाई कसैले पर्दैन सिकाउन राम्रोसँग
राम्रो सँग थाहा छ , मलाई मेरो जिम्मेवारी ।
दुःख भन्ने के हो परिवारलाई थाहा हुन्न
परदेशमा खोज्दै हिडे सुख भेट्ने चौतारी ।
आउन त आए प्रदेश कसैको कुरा नसुनि
आज बिरानो यो मुलुकमा हिन्दैछु भौतारी ।
कमाई आए आमा चाडैं सकिने छैन पैसा
उमेर पुगेछ अब खोज्दै दुःख काट्ने दौतरी ।
